لا يفوتكم 3 مشجعات في المدرجات يوم الديربي البيضاوي حوار قاتل // منقول

بمناسبة الديربي العالمي بين الغنيمين التقليديين وداد الامة و الرجاء العالمي يسعدني ان اقدمه بنكهة فكاهية هذه المرة

و ارجوا ان تسود الروح الرياضية بين مشجعي الفريقين و نعلم انه قبل ان نكون خصمين فنحن اولا و قبل كل شيء اخوان

كوثر: اهلا سوسن كيف ديرا واش تديري هنا
سوسن: كيف ديرا اختي كوثر جيت نتفرج و نشجع الوداد
سوسن: اوووووووف تفو كنت باغة نبرك في المنصة
كوثر: اه اختي راه فريميجة جات مقابلة للشمش غادة تحرق لينا البشرة كون بركنا غير في المنصة
سوسن:لا متخفيش الحبيبة راه جبت معايا كريم واقي من الشمش تقول باركة في البحرمعرفناهم جايين يتفرجوا و لجايين يصيفوا و يخيموا

شوفي شوفي واش هديك حادة الشيخة لبراكة تحت المكانة
كوثر: و الله تَ هي عيطي عيطي عليها
اهلا حادة و فين هاد الغبرة
حادة: الله يخليك الحبيبة راه غير التحركات و الديبلاصمو مع الرجاء راه كنت في انغولا تنشجع الفريق انا و حميدة الكوامانجي
سوسن: و صافي سكتونا راه اللعابة دخلوا
كوثر: ويلي فين كريستيانو شتوا مدخلش ويلي راه جيت على قبال باش نشوفوا كون كان عند الوداد او الرجاء َgعما يبقاو يلعبوا في البطولة
سوسن: كراه عندوا سبعة الحمرات كشتي لعطاه الحكم سبعة الحمرات في الماتش لي فات ميلعبش الماتش الجاي
حادة: ناري روماو بوكوس
سوسن: و مال الزاكي معجبكش هديك الطولة و التجريدة كلها و معجبكش
حادة: لا روماو قتال و عينيه خضرين و مزهارين علاش ديما تيربح البوطولات
كوثر: و صافي سكتونا و خليونا نركزوا على الماتش
الدقيقة 33
كوثر: ناري اختي متولي غادي يدوب مسكين كون غير عطاوه شي كسكيطة و لا مظلة باش مضربوش الشمش
سوسن: مشتيش ايت العاريف مسكين كون غير خرجوا المدرب 89 دقيقة ههههههههههههههههههه و عاود دخلوا راه عيا مسكين
ههههههههههههه تتصحابوا الباسكيط دخول الحمام بحال خروجوا
حادة: و ناري هاذ المدرب متيفهم والوا كون غير رجع جريندوا باش يحبس و يطلع الجرموني للهجوم
سيري انتي احسن في بلاصة المدرب
كوثر: مفهمتش المدرب اش باغي يخترع علاش مدخلش بيضوضان و موتيس
موتيس و بيضوضان راهم تيلعبوا عام هذا ديري غير انتِ نظارات العميا و شوفي مزيان
سوسن: و زوينة هاذ الريحة عندك احادة اش من نوع
كوثر: اختي سوسن بغيت نسولك على الفقاص و غريبة البارح صوبتهم و لكن العجينة طلعت مرخية

حادة: واقلة بلانتي شفت الكورة خرجات للتوش
كوثر: معرفتش الحكام علاش لابس الكحل
حادة: كراه مراتوا ماتت مسكينة
كوثر: اح مسكين طاح كون غير عطاوه شوية البصلة او القطران او دارو ليه ساروت في ايدو
حادة : اجي اكوثر اش خبار التكشيطة ديال حرير الدودة
كوثر: ويلي الحبيبة مقلتش ليك راه طلعات شهوة منها و لكن نهار لبستها في عرس زبيدة الحَوْلَة لفي راس الدرب
اختي غير دخلت و كلشي بقى يشوف في التكشيطة و عينيهم مهبطتش عليها و ضربتني العين كشتي الله يحفظ و من بعد مشيت نسلم على الطيابة و تحنيت على ركابية باش نسلم و مشفتش الطنجيرة و تحرقات التكشيطة
حادة:و يخلفها الله بشي تكشيطة من حرير بوصيحة
سوسن:و الله تَ صوت المديع تيفكرني بوائل كفوري
كوثر: لا لا متزديش فيه انا بعدا تيفكرني غير في مول قراعي البيع ههههههههههههههههه تحية لولد شهيبة البار
سوسن: و لابد خاصنا نربحوا هاذ الماتش
حادة: اه عندك الحق اختي سوسن لربحناه غادي ناخذوا 7 ديال النقاط
كوثر: اختي سوسن بشحال باقي للماتش
سوسن: نقولك 270 دقيقة نقولك 420 دقيقة هههههههه و لا دارو اشواط اضافية و البيلانتيات غادي يبقى ليهم 550 دقيقة

كون سمعهم بلاتر كراه نتاحر

حوار شيق وممتع ..لاأظن أن هذآلحوار
يجسد حقا مستوى الفكر الكروي لدى البيضاويات ..

المهم هو التيران اكون عامر .
تاثيت الفضاء هوالشغل الشاغل للمنظمين . %60 من المتفرجين هم من الاطفال والقاصرين ..
هكدا يريدون تلميع صورة الكرة المغربية باش ما كان .
اين نحن من البطولة الاسبانية والانجليزية والايطالية ؟؟ لا مجال للمقارنة . بعيدون عن الاحتراف بعد السماء عن الارض

انت محق يا اخي الحسن الكرة المغربية بعيدة كل البعد عن الاحتراف ما دام المسيرون ينهجون سياسة التقشف و التسقريم

أين نحن من إنجلترا وإسبانيا و إيطاليا في جميع المجالات حتى التي نعطيها أهمية قصوى وهي عصب الإقتصاد والتنمية فما بالك بالرياضة التي همشت إلى وقت قريب .......ورغم ذلك فالدربي البيضاوي هو العاشر عالميا.

» 200 رجل أمن خاص لتأمين الديربي الأحد المقبل
» رســمــــيا : الدريبي البيضاوي يؤجل للمرة الخامسة
» الأمية..عائق للتنمية
» قوم بتضليل النص و انظر ما سيحدث منقول
» Paris Match في حوار حصري مع : زاهية