هذه دردشة مفترضة مع أحد أعضاء المجلس الجماعي لرسموكة ، تحمل في طياتها رسائل اكتشفوها بين السطور ، في قالب ساخر ، تعكس الوجه الحقيقي لبعض المنتخبين . إليكم الحوار :
بداية أرحب بك السيد العضو الكريم و شكرا على تلبية الدعوة ؟
أجي بعدا واش كاينة شي تقرقيبة في هادشي لاش عيطو ليا ألا والو .
كل ما في الأمر أننا نريد تنوير الرأي العام الرسموكي حول مستجدات المجلس الجماعي ومصير الوعود التي تلقوها إبان الإنتخابات ؟
أش من تنوير ألا تزوير الله اهديك ، الناس في رسموكة ، راه مامسوقينش لهادشي ليكاتقول ، مدابزين غير مع طرييف د الخبز ، غير نتوما هاد الشباب ليكقول قاري لينوطو لقربالة .
لكن السيد العضو الكريم أنتم تتحملون مسؤولية جسيمة ملقاة على عاتقكم تجاه أبناء رسموكة لا تستهينوا بها ؟؟
أييه متافق معاك ، وحنا كنقموا بالواجب دابا لبغا لكستري الآن ينجز في دار الجماعة في ظرف خمسة دقائق وهذا رقم قياسي وطني .
اختزلت مشاكل رسموكة كلها في عقود الإزدياد ؟
واشنو بان ليك سحاب لك ساهلة
ماذا عن مخطط التنمية و النهوض بالأوضاع الإجتماعية لرسموكة ؟
ما كاين لا مخطط لا هم يحزنون ، حنا في المجلس الجماعي كل واحد اضرب على راسو ، ليدخل الجمعة وخرج أجيبو خاوي تما تعرفو راه زيرو في السياسة ، السياسة عندنا كل واحد اغنم الغنيمة ديالو .
على ذكر الغنيمة كيف تم تقسيم غنيمة المجلس السابق ؟
حدك تم إوا شتي بدتي كتدخل في الشبوق ، اللي فات مات .
هل منتديات شباب ارسموكن تزعجكم الى حد المطالبة بإغلاقه ؟
أييه راه دسرتو بزاف ، بغتو تفضحونا ، سحاب لكم حنا في بلاد مريكان ألا ، حنا غير في المغرب ، خصنا نوضعو الحد لهد الدسارة .
بإمكانك ان تحكي لنا قصة تعرضك لأحد أعضاء المجلس الجماعي وينشط كثيرا في المنتدى ، واتهامك إياه بالكتابة حول شخصكم في المنتدى ؟
الحكاية وما فيها أنه في أحد اللقاءات الجمعوية بمدينة تزنيت ، توجهت الى الشخص المعني فوبخته وطلبت منو مايبقاش إكتب عليا في هاذاك المنتدى ، ولكن من بعد اكتشفت بلي ماشي هو لي كتب عليا واحد آخر ، حيث داك النهار مادرتش النضادر ماقريتش داكشي لي مكتوب مزيان .
أوليس أنك لا تحسن القراءة ، حيث لم تلج حجرات الدراسة يوما ؟
أسيدي ماشي شغلك ، ديك المدرسة فيها غير تفليات ، أنا قاري دخلت لجامع مزال كاع ماتزدتي ، غير ما طولتش فيه بزاف حيث تا أنا سطل قهرني الفقيه بالعصا وانا نهرب من الجامع .
شكرا لك على هذه الدردشة ونعدك اننا سننشرها عما قريب في منتديات شباب ارسموكن ؟
كيفااااااااااش ها العااااااارر هاديك ما ديرها ش، غادي نخسر معاك .
السبت يوليو 25, 2015 9:02 pm من طرف houbib
موضوع: دردشة مفترضة مع أحد أعضاء المجلس الجماعي لرسموكة 
المزاج
